హింసకు ఆవల’ ‘Beyond Violence’

 ‘హింసకు ఆవల’

‘Beyond Violence’

జిడ్డు కృష్ణమూర్తి

శాంతి వైపు ఒక ప్రయాణం

—-----------------------------

ఈ పుస్తకం కేవలం జ్ఞానాన్ని అందించదు. అది మిమ్మల్ని మీలోకి చూసుకునేలా, లోపల ఉన్న హింసకు మూలాలను గుర్తించేలా చేస్తుంది. కృష్ణమూర్తి బోధనలు ఒక ప్రయాణం, ఒక సాహసం – జీవితాన్ని, మనల్ని మనం పూర్తిగా అర్థం చేసుకోవడానికి ఒక నిష్కపటమైన అన్వేషణ.

—----------

‘బియాండ్ వైలెన్స్’ ప్రేరణ కోసమే కాదు. ఇది మనస్సును జాగృతం చేసి, సత్యాన్వేషణలో ఒక స్వేచ్ఛాయుత ప్రయాణాన్ని ప్రారంభించే ఆహ్వానం.

ఇది మీ అంతర్గత శాంతికి, సమాజ శ్రేయస్సుకి ఒక మార్గదర్శి.

—------

మానవ హింసకి చరిత్రలో ఎన్నో రకాలైన సమాధానాలున్నాయి – కానీ ఈ పుస్తకం మాత్రం మన హృదయంలో హింస ఎలా పుడుతుందో చూపిస్తుంది.

—------

"బియాండ్ వైలెన్స్" చదవడం ఒక విజ్ఞాన ప్రయాణం కాదు – అది మీ మనసులోని హింసను ఎదుర్కొని చూడాలనే ధైర్యం. మనసుని అడ్డుకునే ప్రతి బంధాన్ని విడిచిపెట్టి, హింస లేని జీవితం ఎలా ఉంటుందో పరిశీలించే అవకాశం.

—-------

ఈ పుస్తకం మీకు జవాబులు ఇవ్వదు. కానీ, ప్రతి ప్రశ్నను మీరు మీలోనే గమనించేలా చేస్తుంది.

"ఇది స్పూర్తిని ఇచ్చే ప్రయాణం కాదు – స్పూర్తిపై మన బలహీనతనే గమనించి ప్రశ్నించమని చెప్పే దారి.”

—---------

మీరు నిజంగా శాంతిని కోరుతున్నారా?

అయితే మొదట – మీ హింసను తెలుసుకోండి.

అది ఈ పుస్తకాన్ని చదవడం ద్వారా మొదలవుతుంది

—--------

సామాజిక కట్టుబాట్లు, అంచనాలకు అతీతంగా సత్యాన్ని అన్వేషించమని, జీవితం, ఉనికి గురించి తమ సొంత అవగాహనను కనుగొనమని ఇది వ్యక్తులను ప్రేరేపిస్తుంది.

—-----------

మతం, సమాజం, సాంప్రదాయాలకు అతీతంగా, స్వతంత్రంగా సత్యాన్ని కనుగొనమని ప్రేరేపిస్తుంది.

ఇది మీ మనస్సును అద్దంలా చూపించే కాంతికిరణం.

—------’

‘మీరు హిందువైనా, ముస్లింవైనా, క్రైస్తవుడివైనా – అది కూడా హింసే. అలా నిన్ను నీవు చూసుకునే దృక్పథంలోనే హింసకు బీజాలున్నాయి. ఎందుకంటే అది మనిషిని విభజిస్తుంది.

—--------

“మీరు గమనించారా – మతం మీద గర్వపడే వ్యక్తి అసలు మనిషిగా ఉండటాన్ని మరిచిపోతాడు. అతను తాను మతానికి చెందడం వల్లే గొప్పవాడినని భావిస్తాడు. ఇది విభజనకి కారణం. విభజన – అంటే హింస.”

—--------

"భయం, ద్వేషం, మనల్ని మనమే శిక్షించుకునే ఆత్మబంధం – ఇవే మన హింసకు మూలాలు. ఈ పుస్తకం వాటిని ప్రశ్నించి విచ్ఛిన్నం చేస్తుంది."

—-----------

మీ ఆలోచనలు, భావోద్వేగాలు, సామాజిక నిర్మాణాలను లోతుగా అర్థం చేసుకోవడానికి ఈ పుస్తకం మిమ్మల్ని ప్రేరేపిస్తుంది.

—------

హింస లేదా సంఘర్షణకు దారితీసే వ్యక్తిగత నమ్మకాలు, అలవాట్లపై లోతైన ఆత్మపరిశీలన చేయమని ఇది ప్రోత్సహిస్తుంది. నిజమైన మార్పు బయట కాకుండా మన అంతర్లీన మనస్సులోనే మొదలవుతుంది. మన భావోద్వేగాలను అవగాహన చేసుకున్నప్పుడే మనసు హింసను అదిగమిస్తుంది.

—------------------

సమాజం అందించే సాంప్రదాయాలకు అతీతంగా, స్వతంత్రంగా సత్యాన్ని కనుగొనమని ఈ పుస్తకం మిమ్ముల్ని ఆహ్వానిస్తుంది.

—---------------------------------------------

‘ఈ అస్తవ్యస్త (chaotic) ప్రపంచంలో, మనిషి ఎదుర్కొంటున్న ప్రధాన సమస్య – హింస. ఇది బయట కాకపోతే, లోపల ఉంటుంది. ఇది ఒకదానికొకటి ప్రతిబింబంగా మారుతుంది. హింస ఒక్క గొడవల్లో, యుద్ధాల్లో మాత్రమే కాదు – మనం ఎలా ఆలోచిస్తామో, ఎలా జీవిస్తామో అందులోనే ఉంటుంది. మతం, జాతి, నమ్మకాలు – ఇవన్నీ మనల్ని వేరు చేస్తున్నాయి. విభజిస్తున్నాయి. ఇవి మన అసలు రూపాన్ని, మనిషిగా ఉండే సామర్థ్యాన్ని విఛ్ఛిన్నం చేశాయి. మనిషి కంటే , మతమే ముఖ్యమైనపుడు – హింస తప్పనిసరి అవుతుంది.”జిడ్డు కృష్ణమూర్తి ఈ బియాండ్ వైలెన్స్”పుస్తకంలో చెబుతున్నది ఇదే…హింసను అంతరించాలంటే, మన లోపలి విభజనను తొలగించాలి. హింస మనలోనే మొదలవుతుంది – శాంతికి మార్గం కూడా మనలోనే ఉంది.

జేకే "హింసకు ఆవల" (బియాండ్ వైలెన్స్) అనేది ఒక సాధారణ పుస్తకం కాదు. ఇది మానవ మనస్సు, సమాజం, హింస స్వభావాన్ని లోతుగా పరిశీలించే ఒక ఆలోచనాత్మక రచన . మనసును ప్రశాంతం చేసే బహుళ ప్రసంగాల సంకలనం. 1970లో శాంటా మోనికా, శాన్ డియాగో, లండన్, బ్రాక్‌వుడ్ పార్క్, రోమ్‌ ..తదితర ప్రదేశాలలో జేకే చేసిన బహిరంగ ఉపన్యాసాలు, చర్చల సంకలనం ఈ పుస్తకం. కృష్ణమూర్తి హింస మూలాలను అన్వేషిస్తూ, అహం ('నేను') ఏ రూపంలోనైనా – అది సూక్ష్మంగానైనా ఉన్నంత కాలం హింస అనివార్యమని స్పష్టం చేస్తారు. ఈ పుస్తకం సమాజంలోని హింసను అర్థం చేసుకోవడానికి, మనలోని అంతర్గత సంఘర్షణలను పరిశీలించడానికి, స్వీయ-అవగాహన ద్వారా శాంతిని సాధించడానికి ఒక కొత్త దృక్పథాన్ని అందిస్తుంది. ఇది కేవలం ప్రేరణ కోసం కాదు. ఇది మనస్సును మేల్కొల్పి, సత్యాన్వేషణలో ఒక ప్రయాణాన్ని ప్రారంభించే ఆహ్వానం.

ఈ పరిస్థితుల్లో మానవులు అడిగేది ఒక్కటే – ‘నేను ఏం చేయాలి?’ ఎవరూ దేనినీ నమ్మడం లేదు. చర్చిలు, మతాలు, వ్యవస్థలు, రాజకీయాలు ..ఇలా అన్నింటిపైనా విశ్వాసం చెదిరిపోయింది. ఇంక ఎవరి మాట వినాలి? ఎవరి మార్గంలో నడవాలి? జిడ్డు కృష్ణమూర్తి చెబుతున్నదేమంటే – ఎవరి మార్గంలో కాదు, మనమే మన మార్గాన్ని కనుగొనాలి. మనల్ని మనమే పరిశీలించాలి. మన లోపలే హింస ఏ రూపంలో ఉందో గమనించాలి. ఈ హింసను మనలో సృష్టించుకున్నాం. అది ఒక వాస్తవం. మనం హింసాత్మక మానవులం. మనం ఎందుకు హింసాత్మకంగా ఉన్నామో చెప్పడానికి వెయ్యి వివరణలు ఉన్నాయి. మనం వివరణలలో మురిగిపోం. మన conditioning వల్ల, అంటే – మనకు చిన్నప్పటి నుంచి బోధింపబడిన మత భావనలు, జాతీయ గర్వం, సామాజిక గుర్తింపులు – ఇవే మనలో భయాన్ని, ద్వేషాన్ని, హింసను పెంచుతాయి.‘మీరు హిందువైనా, ముస్లింవైనా క్రైస్తవుడివైనా– అది కూడా హింసే. నిన్ను నీవు చూసుకునే ఈ దృక్పథంతో హింసకు బీజాలున్నాయి. అది మనిషిని విభజిస్తుంది. మన జీవితంలో అసలైన మానవత్వాన్ని మరిచిపోయే దిశలో ఇది నడిపిస్తుంది అని కృష్ణమూర్తి నిశితంగా చెబుతారు. మతం మీద, జాతి మీద గర్వపడటం, మనలోనే ఒక కేంద్రం – 'నేను' అనే భావన – భయం, అసూయ, కోపం, గర్వం, తృప్తి, అసంతృప్తి అన్నీ అదే కేంద్రం చుట్టూ తిరుగుతాయి. హింసకు అదే కేంద్రం.ఆ కేంద్రాన్ని విడిచిపెట్టినప్పుడే మనం నిజంగా స్వేచ్ఛతో జీవించగలం.

“నిజమైన స్వేచ్ఛ అంటే – మనలో ఏది కనిపించినా దానికి తీర్పు చెప్పకుండా గమనించగలగడం.”

మన conditioningకి మనం బానిసలుగా ఉన్నంత కాలం, శాంతిని సాధించడం అసాధ్యమే.

జ్ఞానాన్ని పొందేటప్పుడు "స్వేచ్ఛగా" ఉండాలని ఆయన నొక్కి చెప్పారు. అంటే, ప్రపంచం నుంచి ప్రభావితం కాకుండా, విషయాలను ఉన్నవి ఉన్నట్లుగా చూడటానికి, నేర్చుకోవడానికి స్వేచ్ఛ కలిగి ఉండాలి’.

ఈ పుస్తకం శారీరక, మానసిక హింసను పరిశీలిస్తూ, హింసకు మూలంగా ఉన్న మన "అహం భావం" (ego)ను అస్థిమితం చేస్తుంది. మనలో 'నేను' అనే భావన ఉన్నంతకాలం, చిత్తశుద్ధి లేని స్వీయ స్పష్టత లేకపోతే హింస తప్పదని కృష్ణమూర్తి చెబుతారు. మన ఆలోచనలలోనే సమాజ హింస బీజాలు ఉన్నాయని చాటిచెబుతుంది."మనలో ‘నేను’ అనే భావన కేంద్రంగా ఉంటే, చెరువులో రాయిని వేసినట్టు హింస తరంగాలుగా చుట్టూ వ్యాపిస్తుంది.”

ఇక్కడ మనం ఏదో ఒక సిద్ధాంతంలోనో, తత్వశాస్త్రంలోనో మునిగిపోవడం లేదు, లేదా తూర్పు నుండి కొన్ని అన్యదేశ ఆలోచనలను తీసుకురావడం లేదు. మనం కలిసి చేయబోయేది వాస్తవాలను అవి ఉన్నవి ఉన్నట్లుగా, చాలా నిశితంగా, నిష్పక్షపాతంగా, భావోద్వేగాలు లేకుండా పరిశీలించడం. అలా అన్వేషించాలంటే, ఎటువంటి పక్షపాతం, ఎటువంటి కండిషనింగ్, ఎటువంటి తత్వశాస్త్రం, ఎటువంటి నమ్మకాల నుండి స్వేచ్ఛ ఉండాలి. ఒక మంచి శాస్త్రవేత్త మైక్రోస్కోప్ ద్వారా చూస్తూ అదే విషయాన్ని ఎలా చూస్తాడో, అలాగే మనం కూడా అన్వేషిస్తాం. ఇక్కడ మీ మైక్రోస్కోప్ లేదు, మాట్లాడేవారి మైక్రోస్కోప్ లేదు: మనం పరిశీలించి నేర్చుకోవడానికి ఒకే ఒక ఖచ్చితమైన పరికరం ఉంది – మీ స్వభావం, మీ కండిషనింగ్, లేదా మీ ప్రత్యేక నమ్మకాల ప్రకారం నేర్చుకోవడం కాదు, కేవలం వాస్తవంగా ఏమిటో గమనించి, తద్వారా నేర్చుకోవడం. ఆ నేర్చుకోవడంలోనే చేయడం ఉంది – నేర్చుకోవడం చర్య నుంచి వేరు కాదు

‘బియాండ్ వైలెన్స్’ కేవలం హింస గురించి మాత్రమే కాదు, అది భయం, సంఘర్షణ, మనస్సుకు సంబంధించిన కండిషనింగ్ నుంచి ఎలా పుడుతుందో వివరిస్తుంది. హింసను అధిగమించడానికి స్వీయ-అవగాహన, మన ఆలోచనలు, భావోద్వేగాలను అర్థం చేసుకోవడం ఎంత ముఖ్యమో కృష్ణమూర్తి స్పష్టం చేస్తారు. ‘బయట నుంచి వచ్చే ప్రేరణ ఎక్కువసేపు నిలబడదు. నిజమైన మార్పు మనలోంచి రావాలి. అది అంతర్ముఖంగా మనమే కనుగొనాలి.” అంటారు. ఆయన బోధనలు సరళమైనవి, కానీ లోతైనవి. అవి మనస్సును కదిలించి, జీవన విధానాన్ని మార్చే శక్తిని కలిగి ఉన్నాయి. అయితే ఆయన సమాధానాలు ఇవ్వలేదు, కానీ ఆ సమాధానాలను కనుగొనే మార్గాన్ని స్పష్టంగా వివరించారు.

స్ఫూర్తితో జాగ్రత్త!

—-----------------

చాలా మందికి జిడ్డు కృష్ణమూర్తి పుస్తకాలు "స్ఫూర్తిని" ఇస్తాయి. అయితే, స్ఫూర్తి అనేది ఒక ఉద్దీపన వంటిది. ఇది మిమ్మల్ని నిద్ర నుండి మేల్కొల్పి, కొంత సమయం పాటు ఉత్సాహంగా ఉంచుతుంది. కానీ ఆ ఉద్దీపన మసకబారినప్పుడు, మనం మరో ఉద్దీపన కోసం చూస్తాం, ఒక మత్తుపదార్థాల బానిస లాగా. స్ఫూర్తి అనేది ఒక అనుభూతి మాత్రమే. చాలా మంది ఈ అనుభూతిని – అది మత్తుపదార్థాల నుంచి కావచ్చు, లేదా ఒక గురువు నుంచికావచ్చు – కోరుకుంటారు.

మీరు ఇప్పటికీ కృష్ణమూర్తి పుస్తకాల నుండి (లేదా ఏదైనా ఇతర స్ఫూర్తినిచ్చే పుస్తకం లేదా రచయిత నుంచి) స్ఫూర్తిని పొందుతుంటే, మీరు ఏమి జరుగుతుందో గమనించడానికి ఒకసారి ఆగాలి. "హింసకు ఆవల" పుస్తకం మిమ్మల్ని స్ఫూర్తినిస్తే అది గొప్ప విషయం. కానీ స్ఫూర్తి మీకు ముఖ్యమైతే, మీరు బోధనలను పూర్తిగా కోల్పోయినట్లే!

మొత్తంగా, "హింసకు ఆవల" అనేది వ్యక్తిగత పరివర్తన సామర్థ్యాన్ని, మనలోనూ, సమాజంలోనూ ఉన్న హింసకు మూల కారణాలను పరిష్కరించడంలోని ప్రాముఖ్యతను శక్తివంతంగా గుర్తుచేస్తుంది.

"హింసకు ఆవల" - ఇది కేవలం ఒక పుస్తకం కాదు, ఇది మీ అంతర్గత శాంతికి, సమాజ శ్రేయస్సుకి ఒక మార్గదర్శి.

ఈ పుస్తకం కేవలం జ్ఞానాన్ని అందించదు, అది మిమ్మల్ని మీలోకి చూసుకునేలా, లోపల ఉన్న హింసకు మూలాలను గుర్తించేలా చేస్తుంది. కృష్ణమూర్తి బోధనలు ఒక ప్రయాణం, ఒక సాహసం – జీవితాన్ని, మనల్ని మనం పూర్తిగా అర్థం చేసుకోవడానికి ఒక నిష్కపటమైన అన్వేషణ.

—--------’