ధ్యానం, యోగా, ప్రార్థన…

 "ధ్యానం, యోగా, ప్రార్థనలు…

సహజ స్వభావాన్ని అణచివేసే హింసాత్మక చర్యలు

—-------------

*మతపరమైన కట్టుబాటుకు దారితీసే పద్దతులు

*సంస్కృతి మన మీద రుద్దిన భ్రమలు, బంధనాలు

*మనశ్శాంతికి అవరోధాలు.

*ధ్యానం – మనసు మీద జరిపే ఓ మౌన పోరాటం.

*శాంతిని వెతకకు, అది నీలోనే ఉంది

యు.జి. కృష్ణమూర్తి

—------’

"ధ్యానం, యోగా, ప్రార్థన… ఇవన్నీ మానసిక శాంతికి మార్గాలు అనుకుంటూ, మనిషి తన సహజ స్వభావాన్ని అణచివేస్తున్న బాధాకరమైన ప్రయాణం ఇది.

—---------

"నీవే శాంతి… అని అర్థం చేసుకోవాల్సిన స్థితిలో, శాంతిని సాధించాలనే దురాశతో ఆత్మను బంధిస్తున్న ఆయుధాలే – ధ్యానం, యోగా, మంత్రజపాలు."

—----------

 "ప్రశాంతతను సాధించాలన్న ఆశయంతో చేసే ప్రతి ప్రయత్నం, అదే నిజమైన అసహజతకి నాంది."

—----------------

 "మనసు నిశ్శబ్దంగా ఉండాలన్న కోరికే – అసలు గందరగోళానికి కారణం. సహజతను నిర్బంధించాలన్న ప్రతి యత్నం... హింసాత్మకమే!"

—--------------

 "మౌనం అనేది నీలో ఉన్న అగ్ని. అది ధ్యానంతో సిద్ధించేది కాదు… అది నీ సహజ లక్షణం.”

  —-----’-----------×—----------------

      ఇది మానసిక హింస

"ధ్యానం అనేది ఒక విధంగా మానసిక హింస. ఆలోచనలను అణచివేయడానికి ప్రయత్నించడం మనస్సుపై హింస. దాని సహజ ప్రవాహాన్ని, ప్రవృత్తులను అణచివేయడమే. అదే మానసిక దోషాలకు అడ్డదారి. ధ్యానం, మోక్షం వంటి లక్ష్యాలు సంస్కృతి మనమీద రుద్దిన భ్రమలు. దురాశలు. సాంస్కృతిక బంధనాలు మాత్రమే. వీటి వెనుక స్వార్థం దాగి ఉంది. ఈ పద్ధతులు శాంతిని కాకుండా, స్వార్థాన్ని బలపరుస్తాయి. ఈ సాధనలు తరచుగా సాంస్కృతిక, మతపరమైన కట్టుబాట్లలో చిక్కుకొని, స్వీయ-కేంద్రీకృత ప్రయత్నాలుగా మారతాయి. తద్వారా నిజమైన స్వేచ్ఛకు బదులు మరింత నొప్పిని కలిగిస్తాయి. అసలు వాటికి విలువ లేదు – చివరికి మిగిలేది బాధ మాత్రమే. ధ్యానం, యోగం అనే మాయకు బలి అవుతున్న మనిషి. శరీరం ఇప్పటికే విశ్వంతో సమన్వయంలో, అద్భుతమైన తెలివితో పనిచేస్తోందని, దాన్ని గ్రహించడమే నిజమైన జ్ఞానం.

”శరీరం ఒక గాయతప్త స్థితిలో ఉన్నప్పటికీ, అది శ్వాసతో సహజంగా ఒక అద్భుతమైన, సజీవమైన లయలో కదలుతుంది. కాని యోగం, ధ్యానం లాంటి ప్రక్రియలు మనసుతో తాపత్రయపడి ఏదో సాధించాలనే తాపత్రయాన్ని పెంచుతూ, మన సహజత్వాన్ని దూరం చేస్తాయి. ఇవన్నీ మనల్ని ఏదైనా లక్ష్యాన్ని చేరుకోవాలన్న మాయలో ఉంచుతాయి – నీవు ఇప్పటికే జీవన విశ్వంతో ఏకమై ఉన్నావన్న సత్యాన్ని మరిపిస్తాయి. ధ్యానం కోసం చేసే ప్రయత్నాలన్నీ స్వార్థంతో కూడినవే. ఇవి "నేను" అనే భావనను మరింత బలపరుస్తాయి. "నేనొకదానిని పొందాలి" అనే భావనతో చేసే ప్రతి ధ్యానం, ప్రతి ప్రార్థన, ప్రతి యోగ సాధన – ఇవన్నీ మనను అసలు ఉన్న సత్యం నుంచి మరింత దూరంగా తీసుకుపోతాయి. ఇవి శరీరానికి అవసరం లేనివి, మనశ్శాంతికి అవరోధాలు. యోగం, ధ్యానం, ప్రార్థనలు – ఇవన్నీ శాంతిని పొందేందుకు చేసే హింసాత్మక యత్నాలు. శరీరం సహజంగా శాంతియుతం. మనం ఏదైనా సాధించాలనే తాపత్రయం మనిషిని దిక్కుమాలిన మార్గంలో నడిపిస్తుంది. శాంతి సాధించదగిన వస్తువు కాదు, నీవే శాంతి.”

సహజ స్వభావాన్ని అణచివేసే 

హింసాత్మక చర్యలు

“ధ్యానం, యోగా, ప్రార్థనలు వంటి ఆధ్యాత్మిక పద్ధతులు మనసును నిశ్శబ్దం చేయడానికి బలవంతంగా చేసే ప్రయత్నాలు. ఆలోచనలను నిశ్శబ్దం చేయడానికి ప్రయత్నించడం నిజానికి మనస్సుపై హింస, దాని సహజ ధోరణులను అణచివేయడం. ఇవి మనసు, సహజ స్వభావాన్ని అణచివేసే హింసాత్మక చర్యలు. అవి నిజమైన స్వీయ-అవగాహనను కాకుండా, ఒక నిర్మాణాత్మక, మతపరమైన కట్టుబాటుకు దారితీస్తాయి. మోక్షం, ఆధ్యాత్మిక లక్ష్యాలు సంస్కృతి రుద్దిన భ్రమలని, వీటి వెనుక స్వార్థం దాగి ఉంది. ఈ పద్ధతులు శాంతిని కాకుండా, స్వార్థాన్ని బలపరుస్తాయి. మనం దీనిపై (శరీరంపై) రుద్దే ఈ ధ్యాన పద్ధతులన్నింటినీ శరీరం తట్టుకోలేదు. శరీరం, సహజ సమతుల్యతను దెబ్బతీస్తాయి. శరీరం సహజంగా శాంతిమయంగా ఉంటుంది. దానికి ఈ కృత్రిమ ప్రయత్నాలు అవసరం లేదు. ధ్యానం వంటివి మనసులో మంచి, చెడు ఆలోచనలను వేరు చేసే సాంస్కృతిక ఒత్తిళ్లను సృష్టిస్తాయి. ఇవి శరీరం, సున్నితత్వాన్ని దెబ్బతీస్తాయి. అందుకే, ఈ ఆధ్యాత్మిక చర్యలు స్వార్థపూరితమైనవి. స్వార్థం" నుంచి విముక్తి పొందడానికి మీరు చేసేది కూడా ఒక స్వార్థపూరిత చర్యే. శాంతిని బలవంతంగా సాధించే ప్రయత్నాలు హింసను పెంచుతాయి. ఈ పద్ధతులు మనసును నియంత్రించి, దాని సహజ స్వభావాన్ని అణచివేయడానికి ప్రయత్నిస్తాయి. ఈ శరీరం సహజంగానే ప్రశాంతంగా పనిచేస్తుంది. మీ ఆనందాలు, ధ్యానాలు, పరవశ స్థితుల పట్ల దానికి ఎలాంటి అవసరం లేదు. మీరు ఏం చేసినా అవన్నీ స్వార్థంతో చేసేవే. నిజంగా శాంతిని కోరుతూ చేసే ప్రయాస కూడా స్వార్థమే."ఆధ్యాత్మికత కూడా ఒక స్వార్థ ప్రయాసే. ధ్యానం, ప్రార్థన, యోగా, మంత్రం – ఇవన్నీ మీరు స్వీయ విముక్తి కోసం చేయడం వల్ల అవి కూడా స్వార్థపు చర్యలే అవుతాయి. దీని ఫలితం? స్వాతంత్ర్యం కాదు, ఇంకా ఎక్కువ ఒత్తిడి మాత్రమే. మీరు కొన్ని చిన్న ఆధ్యాత్మిక అనుభవాలను పొందవచ్చు, అవి మీకు లేదా ఎవరికీ విలువైనవి కావు.”శరీరం సహజంగానే శ్వాసతో లయబద్ధమైన కదలికలను ప్రదర్శిస్తుంది. అయితే, యోగా ప్రపంచం ఆధ్యాత్మిక, మతపరమైన ఆలోచనలతో ముడిపడి, ఏదో ఒక లక్ష్యాన్ని చేరుకోవడానికి ప్రయత్నించడంతో కలుషితమైంది.ఆధ్యాత్మిక కార్యకలాపాలు ప్రాథమికంగా స్వార్థపూరితమైనవి”

—--------

ప్రశాంతత  

       "అక్కడ నీలో ఎప్పు డూ అద్బుత మైన ప్రశాంతత ఉంది. అదే నీ సహజ స్థితి. దాన్నినీవు ఎప్పటికీ అర్ధం చేసుకోలేవు. నీవు ప్రశాంతమైన మానసిక స్థితిని సృష్టించుకోవడానికి ప్రయత్నిస్తుంటావు. నిజానికి అదే నీలో గందర గో ళానికి దారితీస్తుంది. నీవు కేవలం శాంతి గురించే మాట్లాడుతావు. ప్రశాంతమైన మనస్సును సృష్టించుకుంటావు. అంతా ప్రశాంతంగా ఉన్నట్లు నీకు నీవు చెప్పుకుంటావు. కానీ అదంతా హింస. శాంతిని సాధన చేయడం వల్ల, నిశ్శబ్దం కోసం నీవు చేసే ప్రయత్నం ఏ మాత్రం ఉపయోగం లేనిది . ధ్యానం కోసం చేసే ప్రయత్నాలన్నీ స్వార్థంతో కూడినవే.

ఇవి "నేను" అనే భావనను మరింత బలపరుస్తాయి. "నేనొకదానిని పొందాలి" అనే భావనతో చేసే ప్రతి ధ్యానం, ప్రతి ప్రార్థన, ప్రతి యోగ సాధన – ఇవన్నీ మనను అసలు ఉన్న సత్యం నుంచి మరింత దూరంగా తీసుకుపోతాయి. ఇవి శరీరానికి అవసరం లేనివి, మనశ్శాంతికి అవరోధాలు.

నిజమైన నిశ్సబ్దం విస్పోటనం. ఆద్యాత్మికవాదులు చెబుతున్న సమాధి స్థితి కాదు. నిర్జీవమైన మనసు (డెడ్ స్టేట్ ఆఫ్ మైండ్) కాదు. అది మెరుపు స్థితి. అది జీవశక్తితో నిండిన, జ్వాలాముఖిలా ఉప్పొంగే స్థితి. అదే జీవితం. అదే దాని ప్రయాణం. అదే సహజ స్థితి"

     "You can never understand the tremendous peace that you always there within you, that is your natural state. Your trying to create a peaceful state of mind is in fact creating disturbance within you. You can only talk of peace, create a peaceful state of mind is in fact creating disturbance within you. You can talk of peace, create a state of mind and say to yourself that you are very peaceful —but that is not peace; that is violence. So there is no use practising peace, there is no reason to practise silence. Real silence is explosive; it is not the dead state of mind that spiritual seekers think. ‘ Oh. I am at peace with myself! There is silence, a tremendous silence ! I experience silence! — that doesn’t mean anything at all. This is volcanic in its nature: it’s bubbling all the time— the energy, the life — that is its quality. You may ask how I know. I don’t know. Life is aware of itself, if we can put it that way .

            U.G.KRISHNAMURTHi

—----

*యు.జి.కృష్ణమూర్తి భావనలను తెలుగులో తెలుసుకుందామని ఆశక్తి ఉన్నవారు నా బ్లాగు 

 ugtelugu.blogspot.com (అచింతనాపరుడు) నుంచి తెలుసుకోవచ్చు 

సమాజం, సంస్కృతి, జీవితం, పేదరికం, మానవ సంబంధాలు, దేహం, ఇంద్రియాలు, సహజస్థితి, ఆహారపు అలవాట్లు, చైతన్యం, దేవుడు, మతం, ఆధ్యాత్మికత, ఆధ్యాత్మిక గురువులు, గతం, వర్తమానం, దాతృత్వం, మనస్సు, ఆలోచన, కవులు, రచయితలు, కళాకారులు..ఇలా భిన్న అంశాలపై యూజీ ఏం చెబుతాడు? అని రేఖా మాత్రంగానైనా తెలుసుకోవడానికి ఈ బ్లాగును దర్శించవచ్చు

.

నీకు నీవుగా ఉండాలంటే...

 'నీకు నీవుగా ఉండాలంటే అపసవ్యంగా ఉన్న ఆధ్యాత్మిక జీవితం మూలాలు నాశనం చేయాలి. అంటే మీరు మతోన్మాదిగా లేదా హింసాత్మకంగా మారాలని, దేవాలయాలను తగలబెట్టడం, విగ్రహాలను కూల్చివేయడం, తాగుబోతుల సమూహం వలె 'పవిత్ర' గ్రంథాలను నాశనం చేయడం అని దీని అర్థం కాదు. మీ లోపల అగ్గి రాచుకోవాలి. మొత్తం మానవాళి ఆలోచన, ఆనుభవం అంతా వెళ్ళిపోవాలి.

యూజీ కృష్ణమూర్తి

'To be really on your own, the whole basis of spiritual life, which is erroneous, has to be destro yed. It does not mean that you become fanatical or violent, burning down temples, tearing down the idols, destroying the holy books like a bunch of drunks. It is not that at all.It is bonfire inside of you. Everything that mankind has thought and experienced must go.'

U.G.krishnamurthi

ది మిస్టిక్ ఆఫ్ ఎన్‌లైటెన్‌మెంట్!

 సమస్త విశ్వాసాల నుంచి విముక్తే

    ‘సహజస్థితి’కి మార్గం!

      —---------------------------------

*యూజీ ఆంతర్యాన్ని తెలిపే ప్రధానమైన గ్రంథం

 “ది మిస్టిక్ ఆఫ్ ఎన్‌లైటెన్‌మెంట్”

*ఆధ్యాత్మిక ఆలోచనలను సవాలు చేసే గ్రంథం

*“సహజ స్థితి” పై ఘాటైన వ్యాఖ్యానానికి ప్రతిబింబం 

*యు.జి. భావనల ఉత్తమ సారాంశం

*భారతదేశం, యూరప్‌లలో విస్తృతంగా ఆదరణపొందిన పుస్తకం

—--

"మిస్టిక్ ఆఫ్ ఎన్‌లైటెన్‌మెంట్" అనే పుస్తకం ఆధ్యాత్మిక రంగంలో ఒక విశిష్టమైన, సామాన్యమైన ఆలోచనలను సవాలు చేసే గ్రంథం. ఇది యు.జి. కృష్ణమూర్తి అనే అసాధారణ వ్యక్తి స్వీయ కథనం. యూ.జి. జీవితాన్ని, అతని అప్రతిహత నిజాయితీని, "సహజ స్థితి" అనేదాని గురించి అతని ఘాటైన వ్యాఖ్యానాన్ని ప్రతిబింబించే ఓ ప్రధాన గ్రంథం. ఆధ్యాత్మికత అనే తాపత్రయాన్ని విస్మరించాల్సిన అవసరాన్ని చెప్పి ప్రకంపనలు సృష్టించిన ఈ పుస్తకం భారతదేశం, యూరప్‌లలో విస్తృతంగా ఆదరణపొందింది. అనేక ముద్రణలకు నోచుకుంది. యూజీ పుస్తకాలు దాదాపు ప్రతి యూరోపియన్ భాషలోకి, అలాగే చైనీస్, జపనీస్ భాషలలోకి అనువాదమయ్యాయి. ఇప్పటివరకు అమెరికాలో విస్తృతంగా ప్రచారం పొందిన ఒక "అండర్‌గ్రౌండ్" ఆధ్యాత్మిక క్లాసిక్ ఇది. యు.జి.కి సన్నిహితంగా ఉన్నవారు ఆయన ఆలోచనలకు ఉత్తమ సారాంశంగా ‘ది మిస్టిక్ ఆఫ్ ఎన్‌లైట్‌న్మెంట్’ ను భావిస్తారు. 

*ఆధ్యాత్మిక ఆలోచనలకు సరికొత్త కోణం

అమెరికాలో మొదటిసారిగా విస్తృతంగా అందుబాటులోకి వచ్చిన ఈ పుస్తకం ఆధ్యాత్మిక విధానాలపై నిప్పులు చెరుగుతుంది. ఆధ్యాత్మికతపై సూటిగా, తీక్షణ విమర్శలతో సత్యాన్ని వెతికే హృదయాలను కదిలిస్తుంది. సాధించాల్సిందేమీ లేదు, తెలుసుకోవాల్సిందేమీ లేదు — నీవు నీవుగా ఉండటం మాత్రమే నిజం. ఆశను కాదు, నిజాన్ని చూపే గొప్ప గంభీరమైన మౌనకాంతి లాంటి ఈ పుస్తకం, నీలో నీవు ఎదురుపడే ఓ అద్దంలా నిలుస్తుంది. ఆధ్యాత్మిక జిజ్ఞాసులు వెతుకుతున్న సత్యాన్ని సూటిగా, సరళంగా, హృదయానికి హత్తుకునేలా అత్యంత ప్రభావవంతంగా వివరించే ఒక తిరుగులేని గ్రంథం ‘ది మిస్టిక్ ఆఫ్ ఎన్‌లైటెన్‌మెంట్. జ్ఞానోదయం అనేది కేవలం జీవసంబంధమైన ప్రక్రియ అని, సంస్కృతి, షరతులు, శాస్త్ర, మతపరమైన ఆలోచనలు, మానసిక శిక్షణల నుంచి మనిషి సంపూర్ణంగా విముక్తి పొందినప్పుడే శరీరం తన అసాధారణ తెలివితో మనిషిని ‘సహజ స్థితి’లోకి తీసుకెళ్తుందని యూజీ చెబుతారు. గురువులు, సాధనలు, మోక్షం అన్నీ కల్పితమని, నిజంగా ఉన్నదంటే నిత్య జీవితంలో సహజంగా కలిగే స్థితి మాత్రమేనని అంటారు. ఈ సహజ స్థితిని యూ.జి. "ఎన్లైటెన్‌మెంట్"గా పరిగణించడు. ఎందుకంటే ఎన్లైటెన్‌మెంట్ అనేది మన సంస్కృతి సృష్టించిన ఒక భ్రమ,మోహజాలమాత్రమే అని అతను స్పష్టం చేస్తాడు. ఈ సహజ స్థితికి చేరడానికి ఎటువంటి సాధనలూ, మార్గాలూ, గురువులూ అవసరం లేదు.. యుగయుగాలుగా పవిత్ర వ్యాపారం (Holy business) లో ఉన్నవారు దీనిని రహస్యంగా, గూఢంగా చిత్రించారు. నేను ఈ స్థితిని వివరించడంలో మాత్రమే ఆసక్తి కలిగి ఉన్నాను. ‘మీ ఊహల్లో మాత్రమే ఉన్న ఒక స్థితి కోసం సమయం, శక్తిని వృథా చేయవద్దు. మనం కల్పించుకున్న ఈ 'అద్భుత స్థితి' అనే మాయజాలాన్ని చెరిపివేయడమే నా ప్రయత్నం. సహజ స్థితి అనేది అకారణంగా జరుగుతుంది. It just happens. దాన్ని సాధించాలనుకునే ప్రయత్నమే దాని నుంచి దూరం చేస్తుంది.”దాన్ని పొందడానికి ఏమీ చేయలేమని ఆయన ఖరాఖండీగా చెబుతారు. ఆధ్యాత్మిక సాధనల వల్ల కాకుండా, సాధనతో పోరాడి, వాటిని దాటి జీవితకాల అన్వేషణ తర్వాత తాను ఎలా 'విముక్తి' పొందారో ఆయన నిస్సంకోచంగా వివరిస్తారు. ఆధ్యాత్మిక గురువులు, సంస్థలు, సిద్ధాంతాలు, పద్ధతులు విపరీతంగా పెరిగిన ఈ లోకంలో యు.జి. ఈ అన్నింటినీ తిరస్కరించి ఒంటరిగా నిలబడ్డాడు. ఒక ప్రత్యేకమైన గొంతుకగా నిలిచాడు. ఈ పుస్తకం ఆధునిక, ఆధ్యాత్మిక ఆలోచనలను సరికొత్త కోణంలో అర్థం చేసుకునేలా చేస్తుంది.

మనిషిని సహజస్థితికి విశ్వాసాలే ఆటంకం

వ్యక్తి సంపూర్ణంగా సాంస్కృతిక ములాల నుంచి, మత విశ్వాసాల నుంచి, ఆలోచనల తంతుల నుంచి విముక్తి పొందినప్పుడే శరీరం — దానికున్న అసాధారణమైన మేధస్సుతో — మనిషిని సహజస్థితిలో జీవించేలా చేస్తుంది. యూ.జి.కి ఈ అనుభవం "విపత్తు" రూపంలో, ఆయన 49వ పుట్టినరోజున స్విట్జర్లాండ్‌లో జరిగింది. అప్పటి నుంచి ఆయన ఈ సహజ స్థితిలోనే జీవిస్తున్నారు. అప్పటి నుంచి, ఆయన యూరప్, భారతదేశం అంతటా ఈ విషయంపై ప్రామాణికంగా, సాధికారకంగా మాట్లాడే వ్యక్తిగా ప్రసిద్ధి చెందారు. ప్రపంచవ్యాప్తంగా సంచరిస్తూ, స్నేహితుల దగ్గర లేదా అద్దె ఇళ్లలో కొన్ని నెలలు గడుపుతూ జీవించేవాడు. 

 బహిరంగ ప్రసంగాలు చెయ్యడు. అతని వద్దకు వచ్చే వాళ్లతోే చర్చలు జరుపుతాడు. ఈ పుస్తకం అలాంటి సంభాషణల సారాంశం.

*‘వాస్తవం’ వైపు నడిపించేలా ప్రేరేపించే మాటల తూటాలు

అతను ఆశలు, ప్రోత్సాహం ఇవ్వడు, కేవలం నిజాన్ని మాత్రమే చెబుతాడు."నిజం ఒకటే—నేను మీ సమస్యలు పరిష్కరించలేను. మీ మాయాభ్రమల నుంచి కాపాడలేను. నేను చేయలేనిది ఇంకెవ్వరూ చేయలేరు." అతని సందేశం సరళం: అతనికి ఎటువంటి సందేశం లేదు. అయినప్పటికీ, అతని మాటలు మీ ఊహలను, ఉద్దేశాలను ఎదుర్కోవడానికి, సత్యం ఏమిటో మీరే కనుగొనేలా ప్రేరేపిస్తాయి. మన ఊహలను సవాలు చేసి, నిజాన్ని కనుగొనే దారిలో ఒక కాంతిని నింపుతాయి

*విలక్షణమైన గొంతు

యు.జి. కృష్ణమూర్తి ఆధ్యాత్మిక రంగంలో ఒక విలక్షణమైన గొంతు. ఆయన ఆలోచనలు ఆధునిక ఆధ్యాత్మికతను కొత్త కోణంలో చూడమని ప్రేరేపిస్తాయి. జె. కృష్ణమూర్తితో ఆయనకు సన్నిహితమైనా వివాదాస్పదమైన సంబంధం ఉండేది. ఇద్దరూ గురువు పాత్రను తిరస్కరించారు, సత్యం, స్వరూపాన్ని అన్వేషించడానికి సంభాషణలు జరిపారు. కానీ చివరికి వారి దారులు వేరయ్యాయి.

*అమూల్యమైన మార్గదర్శిని

"ది మిస్టిక్ ఆఫ్ ఎన్‌లైటెన్‌మెంట్" అనేది ఆధ్యాత్మిక మార్గంలో ఉన్న లేదా దానిలోకి అడుగు పెట్టాలని ఆలోచిస్తున్న వారందరికీ ఒక అమూల్యమైన మార్గదర్శిని. ఆధ్యాత్మిక ప్రపంచం, పవిత్రమైన వ్యాపారం (holy business) గురించి లోతుగా తెలిసిన ఒక వ్యక్తి అంతరంగ కథను (inside story) ఇది వివరిస్తుంది. ఆధ్యాత్మిక సాధనల వల్ల కాకుండా, వాటిని దాటి జీవితకాల అన్వేషణ తర్వాత తాను ఎలా 'విముక్తి' పొందారో స్పష్టంగా, సూటిగా మనసుకు తాకేలా చెబుతుంది. జీవితకాల ఆధ్యాత్మిక సాధన ఉన్నప్పటికీ, అది కారణంగా కాకుండా, దానిని ఎదిరించి ఆయన ఎలా ‘స్వతంత్రుడు’ అయ్యారో స్పష్టంగా, నిజాయితీగా వెల్లడిస్తుంది.

ఈ పుస్తకం ఆధ్యాత్మికతపై ఆసక్తి ఉన్నవారు, సత్యాన్ని అన్వేషించే వారు తప్పనిసరి చదవాల్సిన రచన. అతని సందేశం ఇవ్వడు, ఆశలు కల్పించడు. కానీ నిజాన్ని చూడాలనుకునే వాళ్లకు ఇది ఓ నిర్లిప్తంగా కనిపించినప్పటికీ హృదయాన్ని తాకే అద్దంలా ఉంటుంది. 

—----------

-యు.జి.కృష్ణమూర్తి భావనలను తెలుగులో తెలుసుకుందామని ఆశక్తి ఉన్నవారు నా బ్లాగు 

 ugtelugu.blogspot.com (అచింతనాపరుడు) నుంచి తెలుసుకోవచ్చు 

సమాజం, సంస్కృతి, జీవితం, పేదరికం, మానవ సంబంధాలు, దేహం, ఇంద్రియాలు, సహజస్థితి, ఆహారపు అలవాట్లు, చైతన్యం, దేవుడు, మతం, ఆధ్యాత్మికత, ఆధ్యాత్మిక గురువులు, గతం, వర్తమానం, దాతృత్వం, మనస్సు, ఆలోచన, కవులు, రచయితలు, కళాకారులు..ఇలా భిన్న అంశాలపై యూజీ ఏం చెబుతాడు? అని రేఖా మాత్రంగానైనా తెలుసుకోవడానికి ఈ బ్లాగును దర్శించవచ్చు.

కృతజ్ఞతా నివాళి

                ఓ అభిమాని

యు.జి. కృష్ణమూర్తికి కృతజ్ఞతా నివాళి

మానవాళికి గొప్ప గురువులలో ఒకరైన యు.జి. కృష్ణమూర్తి వర్ధంతి నేడు. ఆయన నిర్మొహమాటమైన, అచంచలమైన నిజాయితీలో ఊహించని సౌమ్యత దాగి ఉండేది. ఆయన బలం అనూహ్యమైన సౌకుమార్యంతో మెరిసేది. దృఢంగా, రాజీపడని వ్యక్తిత్వం కలిగి ఉండి కూడా, ఆయనలో ఒక నిశ్శబ్దం, కాదనలేని స్త్రీత్వం ఉట్టిపడేది. స్త్రీలా సౌందర్యం ఉండేది—ఒకసారి నేను ఆయన చిత్రాన్ని మార్లిన్ మన్రో చిత్రంతో కలిపి, ఆయనలో ఉన్న ఆ సౌందర్యాన్ని పట్టుకోవాలని ప్రయత్నించాను.

నేను ఆయన్ని మొదటిసారిగా 1978 వేసవి చివరలో స్విట్జర్లాండ్‌లోని గస్టాడ్ లో ప్రశాంత వాతావరణంలో కలిశాను. మూడు రోజుల పాటు ఆయన సమక్షంలో కూర్చుని విన్నాను, ప్రశ్నించాను, సవాలు చేశాను. నా ప్రశ్నలు కేవలం ఊహాజనితం కాదు; అవి సంవత్సరాల ఆధ్యాత్మిక అన్వేషణ నుంచి, నా ఇరవైల ప్రారంభంలో కలిగిన ఒక ఆధ్యాత్మిక అనుభవంతో సహా, లోతైన అనుభవాల నుంచి వచ్చాయి. అయినా యు.జి. ఏమీ వదలలేదు. ఆయన మాటలు నాలో తుఫానులా దూసుకుపోయాయి, ఏ నమ్మకాన్ని మిగల్చలేదు, ఏ విశ్వాసాన్ని కదపకుండా వదలలేదు. నేను పోగు చేసుకున్న ప్రతిదీ, నాకు తెలుసని నేను అనుకున్న ప్రతిదీ - ధూళిగా మారిపోయాయి.

అయినా, అక్కడ ఏ నష్టమూ లేదు, శూన్యత లేదు. దానికి విరుద్ధంగా. నాలుగో రోజు ఉదయం స్విస్ పర్వతాల మధ్య ఉన్న ఒక సుందరమైన షాలెట్లో ఒకే ఒక్క, కాదనలేని స్వేచ్ఛతో మేల్కొన్నాను. ఇకపై ఏ అధికారం నన్ను శాసించదు. అది ఎటువంటి పోరాటం అవసరం లేని, ఎటువంటి ధృవీకరణ అవసరం లేని స్వేచ్ఛ - అది అలా ఉంది అంతే. ఆ రోజు నుంచి ఇప్పటివరకు, అది నా నుంచి ఎప్పుడూ దూరం కాలేదు. నిజమైన గురువు ఇదే చేస్తాడని అర్థమైంది. నడిపించడం కాదు, బంధించడం కాదు—విడుదల చేయడం, నీలో నీ స్వతంత్ర అస్తిత్వం తప్ప మరేమీ మిగలనంత వరకు.

యు.జి. కృష్ణమూర్తి, మీకు కృతజ్ఞతలు. వేల వేల కృతజ్ఞతలు - మాటలకు అందని స్వేచ్ఛను ప్రసాదించినందుకు.

రాబర్ట్ స్మిత్

—----------------

https://www.facebook.com/share/p/16TuqUtgU7/

గతం, వర్తమానం, భవిష్యత్తు

 గతం, వర్తమానం, భవిష్యత్తు

యు.జి.కృష్ణమూర్తి

  'క్షణ క్షణం జీవించడం' అనేది చాలా తప్పుదోవ పట్టించే మాట. ఆ క్షణ క్షణ జీవితాన్ని మీరు ఎప్పుడూ పట్టుకోలేరు — అది మీ తెలివైన ఉనికిలో భాగం కాలేదు. మీ ఆలోచనలో భాగం కాదు. 'నువ్వు' అనే నిర్మాణానికి ‘ప్రస్తుతం’ అనేదే లేదు! అక్కడ ఉన్నదంతా గతం. ఇది భవిష్యత్తులో తన్ను తాను విస్తరించుకోవడానికి ప్రయత్నిస్తుంది. మీరు గతం, వర్తమానం, భవిష్యత్తు గురించి ఆలోచించవచ్చు. కానీ భవిష్యత్తు లేదు, వర్తమానం లేదు. కేవలం గతమే ఉంది. మీ భవిష్యత్తు గతం ప్రతిబింబం మాత్రమే. వర్తమానం ఉంటే, దాన్ని మీరు ఎప్పుడూ అనుభవించలేరు, ఎందుకంటే మీరు అనుభవించేది వర్తమానానికి సంబంధించిన మీ జ్ఞానాన్ని మాత్రమే. ఆ జ్ఞానం గతం. అందుకే మీరు 'ఇప్పుడు' అని పిలిచే ఆ క్షణాన్ని అనుభవించడానికి ప్రయత్నించడంలో అర్థం ఏమిటి? ‘ఇప్పుడు’ అనేది మీరు ఎప్పటికీ అనుభవించలేనిది. మీరు అనుభవించేది ‘ఇప్పుడు’ కాదు. కాబట్టి వర్తమానం అనేది మీ తెలివైన ఉనికిలో భాగం కాదు. దాన్ని మీరు వ్యక్తం చేయలేరు. మీ దృష్టిలో వర్తమానం అనేది ఒక భావన తప్ప మరొకటి కాదు. నేను ఇప్పుడు గురించి మాట్లాడను.

Past, Present, Future

U.G. krishnamurthi

 To call it 'living from moment to moment' is very misleading. That moment to moment living can never be captured by you -- that can never become part of your conscious existence, much less your conscious thinking. Look here, there is no present to the structure of the 'you'; all that is there is the past, which is trying to project itself into the future. You can think about past, present, and future, but there is no future, there is no present; there is only the past. Your future is only a projection of the past. If there is a present, that present can never be experienced by you, because you experience only your knowledge about the present, and that knowledge is the past. So what is the point in trying to experience that moment which you call 'now'? The now can never be experienced by you; whatever you experience is not the now. So the now is a thing which can never become part of your conscious existence, and which you cannot give expression to. The now does not exist, as far as you are concerned, except as a concept. I don't talk about the now.

కళాకారులు, సృజనాత్మకత

 కళాకారులు, సృజనాత్మకత

-----------------------------------

యు.జి.కృష్ణమూర్తి

నిజంగా సృజనాత్మకత అనేదే లేదు.

మనిషి చేసే ప్రతి పని ఇప్పటికి ఉన్న దానికి అనుకరణే.  

దేన్నీ మోడల్‌గా అనుకరించకుండా స్వయంగా ఏదైతే ఉదయిస్తుందో దాన్నే సృజనాత్మకత అని పిలవవచ్చు. అది పునరావృతమవ్వదు. దాన్ని మీ భవిష్యత్ చర్యలకు మళ్లీ నమూనాగా ఉపయోగించలేరు. అక్కడితో అది ముగుస్తుంది. మీరు మనుషుల ముఖాలను లేదా ఆకులను చూస్తే—ఏ రెండు ముఖాలు ఒకేలా ఉండవు, రెండు ఆకులు ఒకేలా ఉండవు. ప్రకృతి మనముందు చూపే విభిన్నతే నిజమైన కావ్యం.

అందువల్ల ఆర్టిస్ట్ అంటూ ఎవరూ ఉండరు. 

అతడు ఒక సాంకేతిక నిపుణుడు మాత్రమే.

చిత్రకళను నేర్చుకున్న కార్మికుడు.

కర్రకు ఆకారమిచ్చే వడ్రంగి,

ఇటుకలతో గడులు కట్టే మేస్త్రీవలె.

అతను కేవలం టేక్నీషియన్. అతడు లేదా ఆమె చిత్రకళ చిట్కాలు తేలుసుకుంటారు. కార్పెంటర్లు, , కుమ్మరి, కమ్మరి, తాపీపనులు చేసేవారిలా వీరు శిల్పులు, నిపుణులు. క్రాఫ్ట్ కంటే ఉన్నతస్థానాన్ని కళకు ఎందుకు కల్పిస్తారు. కళాకారుడి సృష్టికి మార్కెట్ లేకపొతే అతను ఆ వ్యాపారంలో ఉండదు. ఈ సో కాల్డ్ అర్తిస్టుల నమ్మకాలకు మార్కెట్టే ప్రధాన కారణం. ఇతర క్రాఫ్ట్ మెన్ లా కళాకారుడు కూడా ఒక క్రాఫ్ట్ మాన్. తన వ్యక్తీకరణకు ఆ పనిముట్టునే ఉపయోగిస్తాడు . మొత్తం మానవ సృజనంతా అనుభూతి (Sensuality, సునిసితత్వం) నుంచే సృష్టి అవుతుంది. నేను అనుభూతికి వ్యతిరేకం కాదు. ప్రతి కళారూపం ఆనందపు అలలపై నర్తించే నిశ్చల గానం, ఆనందమే దాని గమ్యం (All art is a pleasure movement). అది (సంతోషం) కూడా నీచే సృష్టి ఆవుతుంది. ఆ ఆనందాన్ని కూడా మీరు సంతరించుకోవాలి. స్వయంగా అభివృద్ధి చేసుకోవాలి. లేకపొతే కళాకారులు చెప్పే సౌందర్యం, కళలు గురించి అర్థం చేసుకోలేరు. కళలపై మాట్లాడడానికి, ప్రశంసించడానికి మార్గం ఉండదు. వాళ్ల సృష్టిని నీవు ప్రశ్నిస్తే వాళ్లు ఫీలవుతారు. నీకు టేస్టు తెలియదనుకుంటారు. వారి కళను ఎలా ప్రశంసించాలో తెలుసుకోవడానికి స్కులుకెళ్లి నేర్చుకోవాల్సిన అవసరం ఉందని కోరుకుంటారు. లేకపోతే కళాకారులు చెబుతున్న అందం, కళను మీరు అర్థం చేసుకోలేరు. సోకాల్డ్ గ్రేట్ పొయిట్ రాసిన పోయంను నీవు ఎంజాయ్ చేయ లేక పోతే ఆ కవితను ప్రశంసించేట్లు నిన్ను బలవంతంగా ఎడ్యుకేట్ చేస్తారు. విద్యా సంస్థల్లో ఇదంతా వాళ్ళు చేస్తుంటారు. అందాన్ని, చిత్రకళను, సంగీతాన్ని, ఎలా ఆస్వాదించాలో, ఎలా అభిమానించాలో మనకు బోధిస్తుంటారు. అదే సమయంలో వారు మీ మీద బ్రతుకుతుంటారు. కళాకారులు సృజనాత్మక రాజకీయాలు, సృజనాత్మక భావాలు, సృజనాత్మక కళ.. ఇలా ప్రతిదాన్ని తాము క్రియేటివ్ గా ఆలోచిస్తామనుకుంటూ అన్వేషణలో ఓదార్పు పొందుతుంటారు. ఇదంతా అర్థరహితం. నిజానికి వారిలో ఏ మాత్రం సృజనాత్మకత ఉండదు. వారు ఏమి చేసినా అందులో ఒరిజినాలిటి, తాజాదనం, స్వేచ్ఛా ఉండదు. ఆర్టిస్టులు అక్కడో, ఇక్కడో తీసుకుని దాన్ని కలబోసి ఏదో కొత్త అద్బుతాన్ని సృష్టిస్తున్నట్లు భావిస్తుంటారు. ఆల్ రెడీ అక్కడ ఉన్నదాన్నే వాళ్ళందరూ అనుసరిస్తుంటారు. అనుకరణ, శైలే మనకున్న సృజనాత్మకత. వారు దాన్ని ఒప్పుకోవడానికి సిగ్గుపడతారు. మనం వెళ్ళిన స్కూలు, మనం నేర్చుకున్న భాష ,మనం చదివిన పుస్తకాలు, ఎదుర్కొన్న పరీక్షలు ...ఈ నేపధ్యం నుంచి మనకొక శైలి ఏర్పడుతుంది. అలా శైలి, టెక్నిక్ అక్కడ నడుస్తుంటుంది.

ఒక రోజు కంప్యూటర్లు ఇప్పటివరకు ఈ ప్రపంచంలో చిత్రకారులు, సంగీతకారుల సృష్టించిన దానికంటే చాలా బాగా చిత్రాలు గీస్తాయి, సంగీతాన్ని సృష్టిస్తాయని తెలిస్తే మీరు ఆశ్చర్యపోతారు. ఇది మన జీవితకాలంలో జరగకపోవచ్చు. కానీ జరుగుతుంది. మీరు కంప్యూటర్ కంటే భిన్నంగా లేరు. దీనిని అంగీకరించడానికి మనం సిద్ధంగా లేం. ఎందుకంటే మనం కేవలం యంత్రాలు కాదని, మనలో ఏదో గొప్పతనం ఉందని బోధించారు. నమ్మించారు. ఈ వాస్తవాన్ని మనం అంగీకరించాలి. విద్య, సాంకేతికతల ద్వారా మనం అభివృద్ధి చేసుకున్న మన మేధస్సు ప్రకృతికి సాటిరాదు. అవి (సృజనాత్మక కార్యకలాపాలు) ఆధ్యాత్మిక, కళాత్మక, బౌద్ధిక విలువల వ్యక్తీకరణలుగా గుర్తించినందున ప్రాముఖ్యతను సంతరించుకున్నాయి. స్వీయ-ప్రకటన అనే తపన, ఉత్సాహం మానసిక రుగ్మత నుంచి జన్మిస్తుంది. ఇది ఆధ్యాత్మిక గురువులకు కూడా వర్తిస్తుంది. నేరుగా ఇంద్రియ అనుభవం (ప్రత్యక్ష అనుభూతి) అనేది ఏదీ లేదు. అన్ని కళా రూపాలు అనుభూతుల వ్యక్తీకరణే. భావ ప్రకటనే.

 

Artists, creativity

--------------------------

U.G.Krishnamurthi

There is no such thing as creativity at all. All that people do is imitate something or the other that already exists. Only when you do not use anything as a model, what emerges can be called creativity and that cannot be used again as a model for future acts of yours. And there it ends. If you look at human faces or even those leaves--no two faces are the same, no two leaves are the same.

So, there is no such thing as an artist at all. He is just a technician. He or she has learned the technique of painting. They are just technicians, artisans, like the carpenters, masons, etc.

Why do you want to place art on a higher level than craft? If there is no market for an artist's creation, he will be out of business. It is the market that is responsible for all these so-called artistic beliefs. An artist is a craftsman like any other craftsman. He uses that tool to express himself. All human creation is born out of sensuality. I have nothing against sensuality. All art is a pleasure movement. Even that (the pleasure) has to be cultivated by you. Otherwise you have no way of appreciating the beauty and art that artists are talking about. If you question their creation, they feel superior, thinking that you don't have taste. Then they want you to go to a school to learn how to appreciate their art. If you don't enjoy a poem written by a so-called great poet, they forcibly educate you to appreciated poetry. That is all that they are doing in the educational institutions. They teach us how to appreciate beauty, how to appreciate music, how to appreciate painting and so on. Meanwhile they make a living off you. Artists find it comforting to think that they are creative: 'creative art', 'creative ideas', 'creative politics'. It's nonsense. There is nothing really creative in them in the sense of their doing anything original, new or free. Artists pick something here and something there, put it together and think they have created something marvelous. They are all imitating something that is already there. Imitation and style are the only 'creativity' we have. Each of us has our own style according to the school we attended, the language we were taught, the books we have read, the examinations we have taken. And within that framework again we have our own style. Perfecting style and technique is all that operates there. 

You will be surprised that one of these days computers will paint and create music much better than all the painters and musicians that the world has produced so far. It may not happen in our lifetime but it will happen. You are no different from a computer. We are not ready to accept that because we are made to believe that we are not just machines--that there is something more to us. You have to come to terms with this and accept that we are machines. The human intellect that we have developed through education, through all kinds of techniques is no match for nature. They (creative activities) assume importance because they have been recognized as expressions of spiritual, artistic and intellectual values. The drive for self-expression is born out of neurosis. This applies to the spiritual teachers of mankind too. There is no such thing as a direct sense-experience. All forms of art are nothing but an expression of sensuality.

నా ఆల్ టైమ్ ఫేవరెట్ రాక్ అండ్ రోల్ స్టార్ యు.జి. కృష్ణమూర్తి

 నా ఆల్ టైమ్ ఫేవరెట్ 

రాక్ అండ్ రోల్ స్టార్ యు.జి. కృష్ణమూర్తి

 మిగ్యుల్ నవారో క్రిసోస్టోమో; స్పెయిన్

నాకు ఎప్పటికీ ఇష్టమైన రాక్ అండ్ రోల్ స్టార్ యు.జి. కృష్ణమూర్తి. ఈ మనిషే నిజమైన రాక్ స్టార్. అతని పాటలు మీ మెదడు లోతుల్లోకి, మీ హృదయంలోని అంతరాళాల్లోకి చొచ్చుకుపోతాయి. అతని పాటలు కత్తుల్లా, మీ ముసుగులన్నింటినీ, మీ నమ్మకాలన్నింటినీ, మీరు ఎవరని భావిస్తారో, మీకు ఏమి తెలుసని అనుకుంటారో, అన్నింటినీ అంతం చేస్తూ బూడిదగా మారుస్తాయి. 

“Get lost, stay lost" అనే శీర్షికతో ఉన్న అతని ఆల్బమ్ వింటే.. వినడం మొదలుపెట్టిన క్షణం నుంచి, నీవు తప్పిపోతావు మిత్రమా…నీకు ఏ మాత్రం అవకాశమే ఉండదు…నీవు ఎవరైనా సరే, అడవిలో తప్పిపోతావు. నీ నాడులు, నీ కణాలు, నీ అవయవాలన్నీ నృత్యం చేయడం మొదలుపెట్టేస్తాయి. అవి ఎందుకు నాట్యం చేస్తాయో ఎవరికీ తెలియదు. కానీ అవి చేస్తాయి. ఇంతకు ముందు ఎన్నడూ లేనంతగా.. ఒక వెర్రి, అందమైన నృత్యం. అది నీ శరీరం తిరిగి వచ్చిన చోటికి వెళ్లే వరకు నీతో ఉంటుంది. ప్రపంచంలోని ఎన్ని మత్తుమందులు (డ్రగ్స్) ఉన్నా ఈ యు.జి. అనే ఈ రాక్ స్టార్‌తో పోల్చలేవు. నీ ప్రయాణాలు, నీ దర్శనాలు, నీ అనుభవాలు అన్నీ పిల్లల ఆటలే… యు.జి. ముందు అవన్నీ తుడిచిపెట్టుకు పోతాయి. యు.జి.కృష్ణమూర్తి మాత్రమే తన చివరి రోజు వరకు 24/7 హైలో ఉండే ఏకైక రాక్ స్టార్! కొకైన్, హెరాయిన్, కెటమిన్, డిఎమ్‌టి, ఎల్‌ఎస్‌డి…. ఏదీ యు.జి. కృష్ణమూర్తి ఇచ్చే మత్తును ఇవ్వలేవు! అతని ఏకైక మత్తుమందు… కచ్చితమైన, సహజమైన, ముడి, సేంద్రీయ, ప్రకృతిసిద్ధమైన, ముసుగు లేని, ఉగ్రమైన, స్వచ్ఛమైన రూపంలో ఉన్న జీవితం. క్షణం నుంచి క్షణానికి, సెకను నుంచి సెకనుకు, ఎప్పుడూ కొత్తగా, తాజాగా ఉండే జీవితం. ఆలోచనలతో, డిస్ట్రాక్షన్లతో, భయంతో, ఆశతో, మంచి-చెడులతో కలుషితం కాని జీవితం. అది ఒక స్వచ్ఛమైన స్వర్ణధారలా…ఎప్పుడూ తన వద్ద ఉన్నదంతా ఇస్తూ, అవసరం లేని దాన్ని తీసేసేది.

ప్రేమ, కరుణ అనేవి కేవలం పదాలు మాత్రమే. ఈ పదాల వెనుక నిలిచి ఉన్నదే జీవితం. ఆ జీవితం పాట పాడుతోంది యు.జి. రూపంలో — ఈ భూమి మీద ఇప్పటి వరకూ నడిచిన గొప్ప రాక్ స్టార్‌లా. నీషే సూపర్‌మ్యాన్ యు.జి. పాట వింటూ తల ఊపుతున్న చిన్న పిల్లాడిలా మారిపోతాడు. నా ఇష్టమైన రాక్ అండ్ రోల్ స్టార్ యు.జి. కృష్ణమూర్తి.

* యు.జి. కృష్ణమూర్తి ఒక అతత్వవేత్త, సంగీతకారుడు కాదు. కానీ ఈ అభిమాని తన రచనలో అతని మాటలను శక్తివంతమైన రాక్ సంగీతంతో పోల్చారు.)

My all time favourite rock and roll star, U.G. Krishnamurti          

                 

Miguel Navarro Crisostomo; Spain

My all time favourite rock and roll star, U.G. Krishnamurti. This man is the one true rock star. His songs penetrate the deepest part of your brain, of your heart, his songs are knives cutting endlessly through all your masks , through all your beliefes, who you think you are, what you think you know, everything is reduced to ashes by his singing. 'Get lost, stay lost' is the title of his album, the moment you start listening to it, you will get lost my friend, you have no chance, it doesn't matter who you are, you will get lost in the jungle and all your neurons, all your cells, your organs start dancing and no one one can say why do they dance, but they do, like never before. A mad and beautiful dance wich will stay with you till your body will go back where it came from. All the drugs in the world can not compare to this rock star called UG, all your trips, all your visions, all your experiences are babies, they vanish in front of UG. The only rock star who was high 24/7 till his last day; cocaine, heroin, ketamin, DMT, LSD, nothing will give you the high of UG Krishnamurti. His only drug was raw, organic, unfiltered, unmasked, brutal, in its purest form - LIFE. From moment to moment, second to second, ever new, ever fresh, not polluted by thoughts, by distractions, by fear, by hope, by good and bad, but only life like a fountain of pure gold, ever giving all it has & ever taking all that's not needed. Love and compassion are merely words, behind these words stands life, stands UG singing his song like the greatest rock star who ever walked on this earth. Nietzsche's Superman is a little boy listening and shaking his head to the music of UG Krishnamurti. My favourite rock and roll star.